sweety albino

sweety albino
love birds

احدث المواضيع

قريـبا أن شاء اللـــه أول مدونة متخصصة فى الاعجاز العلمى الفلكى فى القرأن الكريم وتوازى أحداث واكتشافات ناسا لما أوحى على الرسول الكريم من اربعة عشر قرنا

الجمعة، 31 أكتوبر 2014

تركيبة البذور من غير عك لو سمحتم

تركيبة البذور من غير عك لو سمحتم

هناك الكثير من الهواة يقدمون تركيبة البذور بشكل ونسب غير صحيح وبدون علم عن ماهى المواد التى يقدموها لطيورهم من خلال اهم وجبه لدى طيور الحب فينقصون او يزيدون كما يحلو لهم فى اركان تركيبة البذور بدون علم لكن اقسم بالله تعالى لو اتبعوا النسب العلمية الصحيحه ليرو طيورهم افضل فى كل شىء بعد اسبوعين فقط وهذا رهان بهذا وهذا القسم لم يكن الا بعد التجربة بنفسى

ولقد كتبت مقال لى لكنى لم انشره لانه كان نظريا لكن الان وبعد التجربة كل شىء فى هذا المقال هام جدا جدا فركز جدا عند قرائتك له





الاثنين، 20 أكتوبر 2014

بسم الله الرحمن الرحيم

دردشه بس وسؤال هام جدا !!!!!!


سؤال هام جدا وظريف القليل يتطرق اليه بالرغم انه اول سؤال انت سألته لنفسك فى بداية اخذ قرار تربية طيور الحب

والسؤال هو ؟؟؟؟؟

انا معيا مثلا مثلا يعنى 200 جنية ياترى واماك زوجين احلى من بعض زوج فيشر شغال وزوج روز شغال ياترى اشترى انهو؟؟

اعتقد انه فعلا سؤال تطرق اليه اى هاوى فى قطاع تربية طيور الحب !!!! صح؟؟؟

والاجابة تعتمد على عدة اشياء طبعا وانت عليك تحدد وبعد ماسرد تلك الاشياء اقول نصحتى وتجربتى والتى اخذتها عن الخبراء الاستاذ باهى مجدى والاستاذ والاخ الكريم هرمس الهاجرى والاخ الاستاذ ماجد سعيد وهذه الاشياء

 الذوق العام يعنى انت لو نظرت للزوجين بالتاكيد فى زوج 
هيشدك فى الاول بناءا عن حب للطيور اللى بجفون ولا من غير جفون

ثانى حاجه بالتأكيد اللون
فى الوان طبعا يتميز بها الروز والوان يتميز بها ذوات الجفون والوان مشتركة بس نقول 
ان المووف مثلا رائع جدا جدا فى الفيشر فهو لون غامق وحروق ولامع وياسلام لو كان كمان الطائر سابل يعنى راسه ورقبته وقفاه لونهم ابيض انا عاشق للمنظر ده بصراحه فى ذوات الجفون حيث انه فى الروز بيكون غير محروق وباهت شوية
طبعا فى ناس بتحب الاخضر اقو لهم بصراحه الاخضر فى ذوات الجفون احلى خاصة كمان لما يكون بطرحه حمراء دم وياسلام لو كان سابل بس الابيض طبعا احمر حيث انه فى الروز برده جميل بس عن نفسى انا احب الفيشر فى اللون ده وده طبعا لغاية دلوقتى اذواق فقط 
ونكمل ونقول الاصفرات فى الفيشر وفى الروز انا احب جدا اللاتينى الرو واللاتينى الفيشر وهو عندى زى بعض بالرغم انه اكثر اشكال فى الفيشر حيث فى الباساتل الصفراء وفى الدارك اى كلير

نيجى للفايلوت طبعا كل الاخوه عارفين انه الفايلوت يكون رائع لو دبل فاكتور بس هو رائع جدا  لو فى كمان عامل دارك مفرد  بس نقول انه المع شوية فى الفيشرات عن الروزات خاصة ان فى حالات قد يظهر الدابل يظهر زى المفرد فايلوت فى الفيشرات طبعا فى فرق جوهرى لكن انا فقط اقول حالات بس كتير بيشترى من الاسواق الشعبية المفرد فايلوت على انه دابل صح الكلام ده فى الفيشرات؟ اما فى الروزات اعتقد انه بيكون واضح ؟

طيب فى الكوبلت انهى احلى؟ بصراحه فى الفيشرات حالات وايضا فى الروزات بس فى الروزات لو كانت تيركواز
معلش انا بكلم شعبى وعن انه قرائتم كتاب الوراثة اللى انا كاتبه خاصة ان الاغلبيه بيشترم على اساس سهولة التربية انهى احسن؟

شوف ياسيدى  ومن الاخر كده الفيشر اهدى شوية بالرغم ان غضبه شديد جدا
فلو كنت بتربى فى اقفاص منفصله عادى فالافضل ذوات الجفون فقط كتر من الكارينه وابقى ارمى شوية فى ارضية القفص حيث انه ذوات الجفون بتحب العيش العميق الموثق من الجوانب وارضية سميكه وتكون هى اللى نهيا بناه بنفسها
وعلى فكره ومن تجربة عشرة سنوات ذوات الجفون بتكون شهيتها اعلى خاصة فى البذور 
وكلامى ده فى الروزات ان عشها ممكن يكون رقيق الارضية ومسطح وتحب تضع بنفسها الورق وقطع الخيط السميكه والقش طبعا ده لو وجد بس فى العموم الروزات عشها بيكون ابسط فى  الروزات ومش محبش زى فى حالة ذوات الجفون
ونرجع لنقطة التربية فى سلاكات ام التربية فى سلاكات زى مانا اقلت كتير النوعين بيحبم التربية فى المكان الاوسع بس انا بقول لو معندكش  الا الاقفاص تكون تربية الفيشرات احسن حيث ان الروزات تعشق الجماعه والسلاكات الواسعه وتكره جدا ان تربيها فى قفص وده مش كلامى لوحدى معلش ده كلام الكثير

طيب نيجى لنقطة اخرى تهم المربى خاصة الاعداد الكبيره والانتاج وكثافته انا بقول لو وضعت الفيشر فى اقفاص زى مانا قلت فى الاعلى بيكون انتاجها احسن من السلاكات على العكس من الروزات اللى بيكون انتاجها احسن فى السلاكات عن الاقفاص بس فى العموم كده لو فى 5 بيضات تحت النتاية فى الفيشر بيكون اللى هينفع ويطلع ويربى بنجاح هو الفيشر حيث انه محنك فى التربية وبيحبها اكثر من الروز اللعوب شوية فلو تحته 5 بيضات تلاقى اللى هينجح ممكن 3 بس طبعا كل ده مفتاحه مع الخالق انا بس بكلم من خلال التجربه والمتابعه وراى الكثير خاصة انه الروز ممكن نقول وبالشعبى كده انها طيور فرحه الوجه اما الفيشرات شوية تحسها كئيبه ايوه اضحك انا برده ضحكت زيك كده بس بقولك من التجربة هتحس والممارسة ومع الايام هتحس كده فعلا

ونيجى لنقطة الاعمار طبعا بيد الله لكنه وضع الاسباب وانا بقول ان فى تربية السلاكات العمر بيكون اكبر بالرغم من ان فى عراك وضرب بس الطائر اللى بينفع تلاقيه يعيش اكثر شوية من الفيشر وطبعا نرجع نقول ده لو ربنا اذن انا فى واحد اعرفه عنده طائر روز عمره 15 سنه وبيحبه جدا

اما عن نقطة البداية فى التربية زى ماانا قلت فى مواضيع كتيره ان افضل طريقة انك تبدأ بزغاليل عن الطيور الكبيره وتأسس على مزاجكك بس اصبر شوية هتحس بالفرق بعد كده والله


ده والله اللى فى دماغى دلوقتى فى الحوار ده ومعلش انى بكلم فى الموضوع ده بالعامية كده

سلام ونكمل بعدين 

الثلاثاء، 7 أكتوبر 2014

تعريب بوسترز ذوات الجفون من طيور الحب

بسم الله الرحمن الرحيم







باذن الله قريبا بوسترز الروزكوليس

الأحد، 5 أكتوبر 2014

مرة اخرى كل عام وانتم بخير ومصرنا بالف سلامة باذن الله تعالى
الكثير من الهواة يسألونى عن طريقه تسرع عملية التكاثر خاصة فى الخليج
اما عن طيور الحب فى الخليج ونظرا لارتفاع درجات الحرارة فعليكم بتقديم المياة وعليها فيتامين سى طبيعى يعنى ليمونه كبيرة على كل 2 لتر ماء  وما فى حدى يقولى ان الطيور من ذوات الدم البارد او الدم الحار ويستنصح اسف لكن اخوانى بالفعل فيتامين سى بالاضافة الى التحفيز للتكاثر فهو يلطف درجة حرارة الجسم وجرب بنفسك بعد 10 ايام وبالترمومتر فانظمة الدم البارد والحار تؤثر على الدم فعلا وهو يؤثر على الجسم لكن لايؤثر بشكل كبير على الانسجة خاصة الحسية منها بدليل ان طيور الحب لها مواسم فقط تتكاثر وتنتج فيه متأثرة بدرجةالحرارة حولها حيث تحتاج طيور الحب للجو المعتدل الاقرب للبرودة  وفيتامين سى كما ذكرت فى الاعلى له دور مهم فى ذلك ويكفى اخوانى تقديم المياه بالليمون لمدة اسبوعين فقط طول الموسم واياك ان تزيد من تركيز الليمون لان هذا يرفع من الحمضية والتى تؤثر على الحيوانات المنويه فى الذكور

اما النقطة الثانية فهى طبعا وكما تعرفون تقديم الاطعمه الطرية لكن هناك بعض الهواة يقدمون فقط البيض بالبقسماط لكن أنا بالله عودت طيورى فى هذه الاثناء بعمل خلطة اقدمها لهم  مرتين بالاسبوع ولاتستغربون منها فهى مؤثرة جدا جدا زجرب بنفسك واصبر حتى تتعود عليها الطيور وهى كالاتى

ملحوظة النسب القادمة هامه وهى لمدة اسبوع لكل 25 زوج على مرتين فى الاسبوع شرط حفظها فى الثلاجه حتى لاتفسد والخلطة عبارة عن نصف كيلو ارز مسلوق بنفس طريقتنا المعتاده فى طعامنا العادى بالأضافة الى كيلو قمح بقشره مسلوق بالاضافه الى 20 بيضه مسلوقه وحتى لاتنفصل الخلطة عليك بالعيش الناشف المجروش يعنى يكفى رغيفين لكن ان وجدت ان الطيور لاترغب فى القمح فبدله بكيلو مكرونه مسلوقه مع القليل من الردة معلقتين يكفيان عوضا عن قشر القمح الرهيب فى تحفيز الطيور وحاول ان استطعت ان تمرر عبر الخلطه القليل من زيت حبة البركه ان استطعت يكفى معلقه صغيره وياسلام لو مررت معاه زيت جرجير بنفس النسبة لاتضحك فهذه الخلطة منتشره جدا جدا جدا فى تايلاند واسأل وجرب بنفسك ثم علق بالنتيجة فى نفس الموضوع بما يرضى الله وشعارى فى هذا الموضوع جرب بنفسك ولن تخسر شىء خاصة ان هذا التغير فى الخلطه مجرب فى تايلاند وانا بالله جربته بنفسى ولم انشره الا بعد ان حصلت على نتيجة فعاله


اما النقطه الثالثه طبعا فهى ان تكون قد قدمت لطيورك بعض الفيتامينات مثل الكالسيوم والذى لن تستفيد منه الطيور الا بعد اقترانه بفيتامين دى وان يوضع منفصلا عن فيتامين سى وايضا منفصلا عن فيتامين أ و فيتامين ه 

اما عن العسل الابيض كما سألنى بعض الاخوه فانا لم اجربه متأكدا الا بعدما وجدت الكثير يستخدمونه فى الخارج يعنى ولو حتى معلقه صغيره على لتر الماء لمدة خمسة ايام فقط فى الموسم

اخى اعتنى بطيورك جيدا تعتنى بك فى الدنيا وتشفع لك فى الاخره على انها روح اعتنيت بها فى حياتك وحياتها وما من شىء الا يسبح بحمد الله وشكره
وسلام عليكم